準備去多倫多旅行？呢份交通指南超實用！

計劃去多倫多玩？各種交通方式你了解未？ 附上超實用交通攻略，自由行話咁易~ 👉TTC TTC係多倫多嘅公共交通系統，包括地鐵、電車同巴士 ⏰地鐵營運時間 星期一至六朝早6點到凌晨1點30分 星期日就朝早8點到凌晨1點30分 ⏰巴士/電車營運時間 巴士同電車覆蓋全城，大部分營運時間同地鐵一樣 部分通宵路線（例如央街、皇后街路線）提供24小時服務 - 👉GO Transit GO Transit包括火車同巴士，路線延伸至郊區（例如賓頓市、咸美頓） 支援多倫多交通卡（Presto卡）、信用卡即場支付或網上買電子車票 票價因行程而異，建議提早查詢同購票 - 👉Call車/的士 多倫多常用APP有Uber、Lyft同Beck Taxi，可以預先下載 亦可以選擇直接喺的士站截車！！ - 👉共享單車 多倫多共享單車覆蓋由市中心到海濱各區，站點密集 用手機APP解鎖就可以享受平價短途單車遊，建議佩戴頭盔 - 👉步行 多倫多市中心地勢平坦，好適合citywalk 一邊行一邊打卡好chill，由唐人街行去釀酒區大約只需20分鐘 - 關於多倫多Presto卡 ⭕ 買Presto實體卡後（任何TTC地鐵站都有得買） 用手機下載Presto APP，跟指示註冊，方便之後增值同查詢 下載Transit APP，可以掌握實時巴士動態 ⭕ 如果冇/唔打算買Presto卡 大部分TTC地鐵站都支援拍信用卡、Apple Pay入閘 要注意嘅係，用Presto卡只需入閘時拍一次 其他支付方式出閘時都要拍卡，否則會扣多錢