淡水輕鬆休閒半日遊😎

#報名tripbest7月酒店試睡員 #台北休閒推薦 #台北旅行 #台北旅遊 #台北自由行 #全球旅行 #台灣親子遊 #動物cafe #三芝區 #淡水區 #淡水老街 雖然小妹每次旅行都仲意捐窿捐罅周圍搵野玩，不過有時都想耍下廢，安排返啲興趣既行程，好似哩次咁，訓夠後大概中午先出發搭車去淡水果邊，再轉公車去一間羊駝主題咖啡館食個午餐🦙 哩間咖啡館其實同淡水都唔太近，不過基於淡水站有公車可以搭過去，所以就安排係同一日進行~落左公車後，都搵左一陣先見到佢，因為雖然餐廳係大馬路邊，但無太顯眼既招牌，所以好容易就會被忽略左🙈 哩間其實係一間以羊駝做主題既咖啡館，設有一份餐點或飲品作低消，而且另收10%服務費。點完餐後，小妹終於可以去動物飼養區同啲羊駝互動下喇😎佢地其實都好為食，只要投餵佢地喜愛既食物，佢地就會自己走埋黎同你玩~用餐期間，啲羊駝都會係餐廳範圍內散步，一不留神，可能會比佢地食埋我地既餐點，所以建議餐點上枱後要盡快食完，然後再繼續同佢地玩🤣 同羊駝玩完後就可以坐返公車去淡水漁人碼頭果邊，行下情人橋，再慢慢沿海邊散步返淡水老街，沿途其實都有好多餐廳仔同食店，而且仲可以欣賞下淡水既日落添🌇 📍OIA伊亞藝術咖啡館 新北市三芝區後厝里北勢子12-1號 📍情人橋 台灣新北市淡水區觀海路199號 📍淡水漁人碼頭 251台灣新北市淡水區觀海路 📍淡水老街 251台灣新北市淡水區中正路1號